Mehnat qurollari uchun subsidiya
Vazirlar Mahkamasining 2022-yil 7-iyundagi 312-sonli qarori bilan mahalladagi yoshlar yetakchisi tavsiyasi asosida “Yoshlar daftari”ga roʻyxatga olingan yoshlar bilim olishi, kasb-hunar oʻrganishi, davolanishi, doimiy ish bilan taʼminlanishi, subsidiya asosida asbob-uskunalar olishi, moddiy ahvolini tiklashi, tadbirkorligini boshlash va rivojlantirishi uchun 25 ta yoʻnilishda yordam olishi mumkin.
6-IMTIYOZ:
Yoshlarga tadbirkorlik faoliyatini boshlash va oʻzini oʻzi band qilishga zarur boʻlgan asbob-uskunalar yoki mehnat qurollarini xarid qilish uchun subsidiya ajratiladi.
Kimlarga beriladi?
– “Temir daftar”ga kiritilgan oila farzandlariga;
– “Ayollar daftari”ga kiritilganlar farzandlariga;
– “Ijtimoiy himoya yagona reestri” AT orqali kam taʼminlangan deb topilgan oila farzandlariga;
– kam taʼminlangan ishsiz yoshlarga.
Qancha miqdorda?
Bazaviy hisoblash miqdorining 40 baravarigacha.