YOSH DEHQONLAR UCHUN SUBSIDIYA
Vazirlar Mahkamasining 2022-yil 7-iyundagi 312-sonli qarori bilan mahalladagi yoshlar yetakchisi tavsiyasi asosida “Yoshlar daftari”ga roʻyxatga olingan yoshlar bilim olishi, kasb-hunar oʻrganishi, davolanishi, doimiy ish bilan taʼminlanishi, subsidiya asosida asbob-uskunalar olishi, moddiy ahvolini tiklashi, tadbirkorligini boshlash va rivojlantirishi uchun 25 ta yoʻnilishda yordam olishi mumkin.
4-IMTIYOZ:
Dehqonchilik va tomorqa xoʻjaligini yuritayotgan yoshlarga urugʻlik va koʻchatlar xarid qilish uchun subsidiya ajratiladi.
KIMLARGA BERILADI?
– “Temir daftar”ga kiritilgan oila farzandlari;
– “Ayollar daftari”ga kiritilgan ayollar farzandlari;
– “Ijtimoiy himoya yagona reyestri” AT orqali kam taʼminlangan deb eʼtirof etilgan oila farzandlari;
– ishsiz yoshlar;
– dehqon xoʻjaligi faoliyati bilan shugʻullanayotgan yoshlarga.
QANCHA MIQDORDA?
Bazaviy hisoblash miqdorining 8 baravarigacha.