Oybek To‘rayev bir vaqtning o‘zida 35 ta universitetga qabul qilingan. U hozir Kolum­biya universiteti qoshidagi Bard kollejining dasturiy injenerlik yo‘nalishi 3-bosqich talabasi hamda US-CAEF (AQSh Markaziy Osiyo taʼlim jamg‘armasi) dasturi aʼzosi.

22 yoshli Oybek bu natijaga qanday erishdi? AQShdagi hayoti qanday kechmoqda?

– O‘qishga kirishingiz va imti­honlar haqida gapirib bersangiz.

– Boshqa davlatda o‘qish uchun iqtisodiy sharoit yaxshi bo‘lishi kerak, deb o‘ylardim. Bir kuni ijti­moiy tarmoqda 100 foiz grantga erishgan hamyurtimizning inter­vyusini ko‘rdim. O‘z imkoniyatimni taqqosladim va tushundimki, im­tihonlarda yaxshi ball olsa, esse­ni yaxshi yozsa, maktab yoki litsey paytlarida faol bo‘lsa, buning iloji bor ekan. So‘ng grant yutgan ta­labalarni o‘rganib chiqdim va o‘z oldimga reja qo‘yib, shu bo‘yicha harakat qildim. Amerikadagi uni­versitetga kirish uchun SAT va SAT Subject (“Mathematics 2” va “US History” fanlaridan) testlar, shuningdek, IELTS yoki TOEFL imtihon­laridan natijalar talab qilinar ekan. Kerakli kitoblarni yig‘ib, internetda­gi ijtimoiy (butun dunyo bo‘yicha SAT imtihonlariga tayyorlanadi­gan talabalar) guruhlarga qo‘shilib tayyorlanganman. Agar SAT imti­honi natijasi bo‘lsa, IELTS yoki TOEFL ingliz tili sertifikatlari talab qilin­maydi.

– Nega aynan Amerikani tan­lagansiz?

– Amerikadagi talabalar hayoti, erkin muhit, yaʼni professorlar bilan muloqot meni o‘ziga jalb qilgan. Shuningdek, bu yerga butun dun­yodan eng yaxshi talabalar yig‘ila­di. Ular bilan fikr almashish mumkin. Axborot texnologiyasining tarmoqlari juda ko‘p, men kiberxavfsizlik sohasiga qiziqaman va shu soha­ da karyeramni davom ettiraman. Kelajakda barcha sohalarga AKT kirib keladi, AKT bor joyda xavfsizlik ham muhim rol o‘ynaydi. Shu bois bu sohani mamlakatimiz­da ham rivojlantirishni maqsad qilganman.

– AQShdagi taʼlim haqida nimalar deya olasiz?

– Abituriyentlik paytimda o‘qishga kirib olsam, ancha yengil bo‘ladi, deb o‘ylardim. Ammo keyinchalik tushundimki, universitetdagi masʼuliyat va o‘qishlar ikki barobar ko‘proq ekan. Bu yerda hech kim sizni yaxshi o‘qishga, uyga vazifalarni qilishga majburlamaydi. Vaqtida bajaril­magan har bir dars sabab pand yeganingizda, barchasini o‘z vaqtida qilish zarurligini anglab yeta­siz. Bitta auditoriyada 15-16 talaba bo‘ladi. Bunday yondashuv profes­sor va talabalar orasida samarali dars muhitini yaratadi, hech kim chetda qolib ketmaydi.

Universitet hududi 10 gektar, ta­biat bag‘rida dars qilish uchun sha­roitlar yaratilgan. Eng katta kutubxona tizimi va mashhur gazetalar­ga, boshqa resurslarga bepul aʼzolik imkoniyati bor. Universitetda hozirgi jamiyatga, siyosatga, falsafaga aloqador fanlar faol tarzda o‘rga­tiladi. Bunda haqiqiy liderlik uchun har tomonlama yetuk inson bo‘lish lozim, de­gan maʼno yotadi. Uni­versitetda 150 ga yaqin klub bor va ular moliyaviy qo‘llab-quvvatlanadi. Masalan, “Muslim Students Asso­ciation” (Musulmon talabalar) klu­bida anʼanaviy bayram tadbirlari, suhbatlar tashkillashtiriladi.

– Amerikada nimalarga erish­dingiz?

– O‘zimni rivojlantirish uchun turli ko‘rik-tanlov va dasturlarda qatnashaman. “American Council” va “US Embassy”ning “C5+1 Youth Council” dasturida “Cyber SecurityChampionship” lideriman. 5000 AQSh dollari miqdorida grant yutib bajargan loyihamiz “The Best Project Team” nominatsiyasi g‘olibi bo‘lgan. Nepalda o‘tkazilgan Xalqaro “Everest International MUN, EIMUN” konferen­siyasida qatnashdim. Jamoamiz nomidan “OSUN Capstone Project” dasturi bo‘yicha Budapesht, Vengriyada o‘tkazilgan “Policy Labs”da bo‘ldim. Universitetdagi iqtidorli ta­labalar markazida tengdoshlarim­ga matematikadan dars o‘taman. Bu markazda GPAsi (o‘rtacha bali) yuqori bo‘lgan iqtidorli talabalar­ni saralab olishadi va o‘qish mo­baynida ishlashga ruxsat berishadi. Yozda “Regional Internship” dasturi bo‘yicha Toshkentdagi “Eurosoft” kompaniyasida ish o‘rgandim.

– O‘qishni tugatgach nima qilmoqchisiz?

– “Cybersecurity” O‘zbekistonda endi rivojlanayotgan sohalardan. Ke­lajakda bu sohani yanada mustah­kamroq egallashga, davlat xavfsizlik maʼlumotlarini, biznes sohasidagi xavfsizlik tarmoqlarini va madaniyat­ni bu yerda o‘rganayotgan bilimlarim, tajribalarimdan foydalanib rivojlantirishga harakat qilaman.