Diqqat! Veb-sayt test rejimida ishlamoqda

Akademik litseylarga kirish imtihonlari uchun ruxsatnoma berish boshlandi

17.8.2022 1636

Akademik litseylarga kirish test sinovlari 2022-yil 22-avgust kuni Davlat test markazi tomonidan maxsus belgilangan hududlarda o'tkaziladi.

Test sinovlari bir smenada o'tkazilib, soat 8:00 boshlanadi.

Akademik litseylarda 1-bosqich dastlabki yozma imtihonlardan muvaffaqiyatli o'tgan o'quvchilar quyidagi tartibda test sinovlariga kirish ruxsatnomasini:

⚡️litsey.edu.uz saytidagi shaxsiy kabinetiga o'zining login va paroli bilan kirgan holda yuklab olishi;
⚡️yoki hujjat topshirgan akademik litseydan ham bevosita borib olishlari mumkin.

Test sinovlari ta'lim yo'nalishiga mos 2 ta fan va intellektual qobiliyat darajasi (IQ)ni
aniqlash bo'yicha o'tkaziladi.

Bunda talabgorlarga har bir fandan 20 tadan jami 60 ta test topshirig'i va ularni bajarish uchun javoblar varaqasini to'ldirish bilan birga 110 daqiqa vaqt ajratiladi.

Test sinovlarida to'plash mumkin bo'lgan maksimal ball – 146 ball bo'lib, ta'lim yo'nalishiga mos fanlar bo'yicha har bir to'g'ri javob uchun 3,1 balldan (jami 124 ball), intellektual qobiliyat darajasi (IQ) ni aniqlash bo'yicha esa 1,1 balldan (jami 22 ball) beriladi.

Talabgorlar test sinovi o'tkaziladigan hududga belgilangan vaqtdan kamida 1 soat oldin shaxsini tasdiqlovchi hujjat va test sinovida ishtirok etish uchun ruxsatnoma bilan kelishlari kerak.

Bizni ijtimoiy tarmoqlarda ham kuzatib boring

Obuna bo`lish