Yuz yildan ziyodroq tarixing bordir,
Ajdodlar merosi o‘zingga yordir,
Bag‘ringda yurmog'im chin iftixordir,
Men uchun azizsan, qutlug‘ dargohim.
Ko‘nglimda tog‘ kabi faxr va g‘urur,
Orzular qalbimga bag‘ishlar surur,
Barcha ustozlarga aytgum tashakkur,
Men uchun azizsan, qutlug‘ dargohim.
Senga ming bor qulluq, ey, oliygohim,
Ostonang mo‘tabar, o‘zing panohim,
Nufuzing yuksakroq bo‘lsin, ilohim,
Men uchun azizsan, qutlug‘ dargohim.