Har bir kuni o‘tmoqda sokin,

Dasturxoni hamisha to‘kin,

Ravnaq topib bormoqda sekin –

Obod o‘lkam – O‘zbekistonim!

Yoshlari har sohada ilg‘or,

Osmoni tinch, toza beg‘ubor,

Gullamoqda hurmakon diyor,

Go‘zal, ko‘rkam – O‘zbekistonim!

Muqaddasdir har giyoh, toshi,

Porlab turar iqbol quyoshi,

Elga g‘amxo‘r ulug‘ yurtboshi,

Qaddi o‘ktam – O‘zbekistonim!

Mehnatidan risq-ro‘zi butun,

Egni butun, har so‘zi butun,

Bolam deya yashar tun-u kun,

Shod-u xurram – O‘zbekistonim!

Mehmon do‘st el, bag‘ri keng elim.

Ko‘ksi osmon bilan teng elim,

Borgan sari nurafshon yo‘lim,

Qutlug‘ qadam – O‘zbekistonim!