Diqqat! Veb-sayt test rejimida ishlamoqda

QISHDA HAM PUL TOPAYOTGAN DEHQONLAR

3.12.2022 339

Iqbol PARDAYEVA, “Yoshlar ovozi” muxbiri

Qish dehqonlar tin oladigan fasl. Ammo qalovini topgan mirishkorlar qishda ham dehqonchilikni to‘xtatgani yo‘q. Termiz shahridagi “Baynalminal” mahallasining bir nechta yoshlari o‘z hovlisida issiqxona qurib, qishin-yozin dehqon­chilik bilan shug‘ullanib kelyapti. Mahalla yoshlar yetakchisi Muruv­vat Tursunboyeva shunday yosh dehqonlarning orzusi ushalishida yaqin ko‘makchi.

Mavjuda HAZRATQULOVA, tadbirkor:

– Yoshim 19 da. Uzoq yillardan buyon limonchilik bilan oilaviy shug‘ullanib kelamiz. Mahallamiz yoshlar yetakchisi Muruvvat Tur­sunboyeva yanvar oyida uyimiz­ga kelib, qanday ish bilan band­ligimni so‘radi. Limonchilik sohasini yaxshi bilganim bois alohida issiqxona tashkil qilish niyatim borligini bildirdim. Ular bu ish­da yordam berishini aytib, meni “Yoshlar daftari”ga ro‘yxatga oldi. Tez orada yetakchining tavsiya­si bilan 30 million so‘m imtiyozli kredit oldim. Ajratilgan pulning 21 million so‘mini taʼminotchiga o‘tkazib, issiqxona qurish uchun zarur mahsulotlar xarid qildim. Qolgan mablag‘ga 48 tup limon ko‘chati sotib oldim.

Limon yetishtirishning afzal­liklari ko‘p. Ishi og‘ir emas. Yangi ekilgan ko‘chat 1 yilda hosilga kiradi va yiliga ikki marta hosil olish mumkin. Hatto yil boshida ekkan ko‘chatlarim hozir bir-ikkitadan meva tugdi. Kelgusi yilda har terimda 8-9 mil­lion so‘mdan, jami 18 million so‘m atrofida daromad olish niyatida­man. Bu sohaning past-balandi­ni yaxshi bilaman. Hozir mahalla­mizda men kabi limonchilik bilan shug‘ullanish istagidagi yoshlarga bilganlarimni o‘rgatyapman.

Sobirjon MAJIDOV, tadbirkor:

– Yoshlar yetakchisiga qishki gulzorimizni kengaytirish niyatim borligini aytgandimda imtiyozli kredit olishni tavsiya qildi. Taklifni qabul qilib, “Yoshlar daftari”ga ari­za yozdim. Yoshlar yetakchisi va hokim yordamchisining ko‘magi bilan mart oyi boshlarida menga 30 million so‘mlik imtiyozli kredit ajratildi. Mablag‘ni taʼminotchi hi­sobiga o‘tkazib, 10 million so‘miga issiqxonani qaytadan taʼmirlab, kengaytirdik. Qolgan pulimizga gul tuvaklari, mineral o‘g‘itlar, har xil xo­naki gul urug‘larini xarid qildik.

Gullar mehnati va sarf-xara­jatiga qarab baholanadi. Hozir 5 ming so‘mdan 200 ming so‘mga­cha bo‘lgan turli xildagi gullarni yetishtiryapmiz. 200 ming so‘mlik gulni yetishtirishga 2-3 oy vaqt kerak. O‘zimning issiqxonamni tashkil qilganimdan buyon kuniga 100-150 ming so‘mgacha daromad olyapman.

Bu yil men uchun juda omadli keldi. “Yoshlar daftari”ga ariza top­shirganimda hech qayerda ishla­maydigan, bekorchi yoshlardan biri edim. Hozir esa o‘z daromadi­ga ega tadbirkorman. Bu yil Termiz davlat universitetining matemati­ka yo‘nalishi talabasi ham bo‘ldim.

“Baynalminal” mahallasida shu kunga qadar 71 nafar yosh “Yoshlar daftari”ga ro‘yxatga olingan bo‘lib, ulardan 57 nafariga yordam ko‘rsatilib, bandligi taʼminlangan. Bunga qanday erishilgani xususida yoshlar yetak­chisidan eshitamiz.

Muruvvat TURSUNBOYEVA, Termiz shahridagi “Baynalminal” mahallasi yoshlar yetakchisi:

– Yoshlarning bandligini taʼminlashda qiziqishini eʼtiborga olyapmiz. Jumladan, 4 nafar yosh o‘z qiziqishiga mos doimiy ish­ga joylashdi. 7 nafariga imtiyozli kredit, subsidiya asosida 1 nafari­ga payvandlash uskunasi, 4 na­fariga tikuv mashinasi, 1 nafariga kompyuter jamlanmasi berib, ishli qildik. 16 nafar talabaning kon­trakt pullari to‘lab berildi. Yana bir yoshning isteʼdodini qo‘llab-quv­vatlash, 5 nafarining davolanish, 4 nafarining safarbarlik chaqiruvi rezervi xarajatlari, 3 nafarining haydovchilik kursi, 3 nafarining ke­lajak kasblarida o‘qishi, 8 nafariga olimpiada, tanlov va musobaqalarning mahalliy bosqichlari­da qatnashish xarajatlari, 1 nafar yoshning fuqarolik pasporti badali qoplab berildi.

Shu bilan birga, 3 nafar yoshga bir martalik moddiy yordam ko‘rsa­tilgan. Hozir “Yoshlar daftari”dagi 7 nafar yigit-qizning murojaatini o‘rganib, ko‘mak ko‘rsatish harakatidamiz. Maqsadim mahal­lamizdagi har bir yoshning orzusini amalga oshirish.

Bizni ijtimoiy tarmoqlarda ham kuzatib boring

Obuna bo`lish