Diqqat! Veb-sayt test rejimida ishlamoqda

QORAQALPOG‘ISTONLIK YOSHLARDA 2 TA G‘ALABA

1.12.2022 336

Muhammadshukur MUHAMMADJONOV, “Yoshlar ovozi” muxbiri

Shu kunlarda hududlarda bo‘lib o‘tayotgan “Besh tashabbus olimpiadasi”ning final bahslari qizg‘in davom etmoqda. Namangan viloyatidagi Pahlavon Mahmud sport saroyida o‘tkazilgan stol tennisi musobaqasining final bosqichida ham o‘z hududlarida tengsiz deb to­pilgan “pingpong”chilar 3 ta yosh toifasida o‘zaro kuch sinashdi.

Yakuniy natijalarga ko‘ra, Yul­duz Xudoyberganova va Muhab­bat Tuliboyeva (Qoraqalpog‘iston Respublikasi), Jumagul Salimova (Xorazm viloyati), Anvar Murodul­layev (Samarqand viloyati), Bekzod Avliyoqulov (Surxondaryo viloyati), Adhamjon Sirojiddinov (Sirdaryo viloyati) 1-o‘rinni qo‘lga kiritdi.

– O‘quvchiligimdan stol tenni­si bilan shug‘ullanaman, – deydi 16-21 yoshli qizlar o‘rtasida 1-o‘rinni qo‘lga kiritgan xorazmlik Juma­gul Salimova. – Bu sport turi salo­matlik uchun juda foydali. Ko‘zning ravshanligini oshiradi, tana harakat­da bo‘ladi. Asablaringiz dam oladi. Bu yerda ajoyib muhit hukmron. Barcha sharoitlar yaratilgan. Bizga Naman­gan xalqi juda yoqdi. Musobaqalar qizg‘in va jiddiy kurashlar ostida o‘tdi.

G‘olib va sovrindorlarga berilgan sovg‘alar ham chakki emas, 1-o‘rin­ga zamonaviy muzlatkich, 2-o‘rin­ga kir yuvish mashinasi, 3-o‘ringa televizor topshirildi. Shu bilan birga, birinchi o‘rinni qo‘lga kiritgan sport­chilar mahallasida zamonaviy sport maydonchasi ham qurib beriladi. Musobaqaning qolgan ishtirokchilariga esa diplom va esdalik sovg‘alar topshirildi.

Shuningdek, Jizzax viloyatida olimpiadaning shaxmat, Sirdaryo­da shashka hamda Farg‘ona va Buxoroda voleybol bo‘yicha final bahslari bo‘lib o‘tmoqda.

Bizni ijtimoiy tarmoqlarda ham kuzatib boring

Obuna bo`lish