Diqqat! Veb-sayt test rejimida ishlamoqda

“UY”LANMOQCHI BOʻLGANLAR DIQQATIGA!

6.1.2023 368

Muxbirimiz

Birlamchi, ikkilamchi bozordan uy sotib olish va uyni qayta taʼmirlash uchun ipoteka krediti olish shartlari eʼlon qilindi. Ipoteka kreditini rasmiylashtirish uchun talab etiladigan dastlabki hujjatlar:

Ipoteka kreditini oluvchidan:

  • Kredit oluvchining arizasi;
  • Pasport nusxasi;
  • Ish joyidan soʻnggi 12 oy davomida olingan daromadlari toʻgʻrisidagi maʼlumotnoma;
  • Uy-joyning dastlabki oldi-sotdi shartnomasi;
  • Boshlangʻich badal shakllantirilganligi toʻgʻrisidagi maʼlumotnoma;
  • Kadastr hujjati.

– Kafildan:

  • Pasport nusxasi;
  • Ish haqi toʻgʻrisidagi maʼlumotnoma.

– Kredit taʼminoti:

  • Sotib olinayotgan uy-joy.

Oʻzbekiston Ipotekani Qayta Moliyalashtirish Kompaniyasi ipoteka kreditlari boʻyicha yangilangan talablarni maʼlum qildi. Kredit quyidagi maqsadlarga ajratiladi:

  1. Qarz oluvchi yashashi koʻzda tutilgan, foydalanishga topshirilgan, turar-joy (birlamchi va ikkilamchi uy bozoridan) sotib olish uchun;
  2. Qarz oluvchi yashab turgan xonadonini qayta taʼmirlash uchun.

Tarkibiy oʻzgartirishlar (rekonstruksiya) bunga kirmaydi. Ipoteka krediti hisobiga sotib olingan turar-joy qarz oluvchining asosiy yashash joyi boʻlishi shart.

– Kreditlashga muvofiq turar-joy turi:

  1. Yakka tartibda qurilgan uy-joylar (hovli), yoki koʻp qavatli uydagi xonadonlar;
  2. Yashashga tayyor boʻlmagan uylar talabga nomuvofiq hisoblanadi.

– Ipoteka kreditining garovi:

  • Ipoteka krediti ostidagi (sotib olinadigan yoki qayta taʼmirlanadigan) uy.

– Qarz oluvchi yoshi:

  • 18 yoshga toʻlgan va undan yuqori.

– Turar joyning geografik joylashuvi:

  • Mamlakat boʻylab.

– Kredit foiz stavkasi:

  • Turar joy sotib olish uchun – OʻzIQMK stavkasi + 5% gacha tijorat bank ustamasi (18%gacha);
  • Turar-joyning qayta taʼmiri uchun – OʻzIQMK stavkasi + 4% gacha tijorat banki ustamasi (17%gacha).

– Maqbul qarz oluvchilar:

  • Muntazam (doimiy) daromad manbalariga ega boʻlgan shaxslar boʻlishi lozim.

– Kredit summasi miqdori:

  1. Turar-joy sotib olish uchun – 400 mln. soʻmgacha;
  2. Turar-joyning qayta taʼmiri uchun – 80 mln. soʻmgacha.

– Kredit qaytarish jadvali:

  • Har oylik toʻlov, annuitet shaklida, imtiyozli davrsiz boʻlishi kerak. Annuitet shakl – bu kredit muddatining oxirigacha bir xil toʻlov toʻlanadi.

– Kredit muddati:

  1. Turar-joy sotib olish uchun – kamida 10 yil maksimal 20 yil;
  2. Turar-joyning qayta taʼmiri uchun maksimal – 10 yil.

– Umumiy qarz yuki (DTI):

  • DTI ≤ 50% (Qarzdor va birgalikda qarz oluvchining jami joriy kredit toʻlovlarini hisobga olgan holda).

– Oldindan toʻlov:

  1. Turar-joy sotib olish uchun – kamida 25% (Birlamchi va ikkilamchi);
  2. Turar-joyning qayta taʼmiri uchun – talab qilinmaydi.

– Qarz oluvchining maksimal oylik sof daromadi:

  • 15 mln. soʻm.

Diqqat! Qarz oluvchining oylik sof daromadi yetmagan taqdirda, qoʻshimcha qarzdor qilib faqat birgalikda yashovchi xoʻjalik aʼzolarini jalb qilish mumkin.

– Ikkinchi ipoteka krediti:

  • Mumkin emas.

– Quyidagi hollar “Ikkinchi ipoteka krediti” deb hisoblanadi:

  1. Joriy ipoteka krediti hisobiga olingan uy-joy uchun yangi ipoteka krediti olish.
  2. Mavjud ipoteka krediti boʻlsa.

– Gender talabi:

  • Ipoteka kreditlarining kamida 35% ayollarga taqdim etilishi zarur.

– Turar-joy sugʻurtasi:

  • Turar-joyning 100% qayta tiklash qiymati.

– Turar-joy mulkini baholash:

  • Maxsus litsenziyaga ega mustaqil baholovchi tomonidan baholanishi kerak.

– Ushbu kreditlar quyidagi tijorat banklari tomonidan ajratiladi:

  • Agrobank, Asakabank, Infin bank, Ipoteka bank, Kapitalbank, Orient Finans bank, Turonbank, Hamkorbank, Xalq banki, Oʻzmilliybank, Oʻzsanoatqurilishbank va Qishloqqurilishbanklarning joylardagi barcha filiallari.

 

Ipoteka kreditiga uy-joy sotib olish va xonadonni qayta taʼmirlash uchun ipoteka kreditiga zarur bo‘lgan hujjatlar roʻyxatini telegram kanalimizda koʻrsatganmiz: @yoshlarovozi

Bizni ijtimoiy tarmoqlarda ham kuzatib boring

Obuna bo`lish