Buxoro viloyatida “Yoshlar va qonun” tanlovining respublika bosqichi bo‘lib o‘tdi. Respublikamizning barcha hududlaridan saralangan 224 nafar ishtirokchidan iborat jamoalar (14-18 va 18-30 yosh toifasi bo‘yicha) o‘zaro bellashdi.

Yosh huquqshunoslar “Huquqiy muammoga tezkor yechim”, “Huquqiy penalti”, “Mening qonunchilik tashabbusim”, “Konstitutsiya bilimdoni” hamda “Sud majlislari modeli” kabi dolzarb shartlar asosida huquqiy bilimlarini sinovdan o‘tkazdi.

Yakunda 14-18 yosh toifasida Surxondaryo viloyati Angor tumanidagi “Xo‘jomqon” mahallasining “Yosh huquqshunos” jamoasi, 18-30 yosh toifasida Namangan viloyati “Chortoq” mahallasining “Diyonat” jamoasi 1-o‘rinni qo‘lga kiritdi.