Diqqat! Veb-sayt test rejimida ishlamoqda

Yoshlar yetakchilarining qanday majburiyatlari bor?

18.1.2024 1138

Yoshlar ovozi

Quyidagilar yetakchining asosiy majburiyatlari hisoblanadi:

O‘zbekiston Respublikasi Konstitutsiyasi va qonunlari, O‘zbekiston Respublikasi Prezidentining Farmonlari, qarorlari, farmoyishlari, Vazirlar Mahkamasining qarorlari, farmoyishlari, Yoshlar ishlari agentligi Hay’ati va rahbariyatining normativ-huquqiy hujjatlari, buyruq va farmoyishlari topshiriqlari va ko‘rsatmalari, shuningdek mahalliy ijro etuvchi hokimiyat organlarining normativ huquqiy hujjatlari bilan ushbu o‘ziga yuklangan vazifalar va funksiyalar bajarilishini tashkil etish;

O‘zbekiston Respublikasining “Korrupsiyaga qarshi kurashish to‘g‘risida”gi Qonuni talablariga muvofiq mahallada korrupsiya va boshqa huquqbuzarliklarning oldini olish choralarini ko‘rish;

mahallada yoshlar o‘rtasida shakllanayotgan salbiy holatlar (sodir etilishi rejalashtirilayotgan jinoyatlar, huquqbuzarliklar va boshqalar) yuzasidan huquqni muhofaza qilish organlariga o‘z vaqtida xabar berish;

ish beruvchining qonuniy topshiriqlarini bajarish;

ish tartibi, ichki mehnat intizomi, ijro intizomi, ichki tartib-qoidalari, ushbu
yo‘riqnoma va mehnatni muhofaza qilish qoidalariga amal qilish;

jamoa shartnomasi shartlariga rioya qilish;

Yoshlar ishlari agentligi tizimiga (faoliyati bilan bog‘liq) aloqador tegishli normativ-huquqiy hujjatlar loyihalarini ishlab chiqishda takliflar orqali ishtirok etish va davlat tilida ish yuritish qoidalariga to‘liq rioya qilish;

faoliyatiga aloqador holda mehnat va ijro intizomi, bajarilgan ishlar yuzasidan hisobotlar berish;

faoliyatida foydalanish uchun berilgan tovar-moddiy boyliklardan samarali
va oqilona foydalanish.

Yetakchi “Yoshlar balansi”, “Yoshlar daftari” va “Yoshlar portali” elektron
platformalariga kiritiladigan hamda u tomonidan taqdim etiladigan
ma’lumotlarning to‘g‘riligi, haqqoniyligiga mas’ul va javobgar hisoblanadi.

Yetakchi beriladigan tavsiyalarning asosliligi, haqqoniyligi va adolatliligi uchun
shaxsan mas’ul hisoblanadi.

Bizni ijtimoiy tarmoqlarda ham kuzatib boring

Obuna bo`lish