Qaynoq xabarlar
16:11
MARKAZIY OSIYO YOSHLAR FORUMI BOSHLANDI 2022-YIL 18-20-MAY KUNLARI MAMLAKATIMIZDA MARKAZIY OSIYO YOSHLAR FORUMI BO‘LIB O‘TADI.
17:43
XOTIRA (Otamning deyolmaganlari...)
11:38
MAJRUH
17:36
BASKETBOL: QIZIQUVCHI KO‘P, E’TIBOR KAM
18:43
YOSHLAR BALANSI MUAMMOLARNI BARTARAF ETISHDA ENG SAMARADOR
16:22
QAYSI TOIFADAGI YOSHLARGA MODDIY YORDAM BERILADI?
10:17
9-iyul – “Qurbon hayiti bayrami” etib belgilandi
10.8.2022 87
“YOSHLAR OVOZI” ARNASOYDA: KO‘ZLARI QUYOSHDEK PORLAYDI
“YOSHLAR OVOZI” jamoasi Jizzax viloyati Arnasoy shaharchasi "Bobur" MFY yoshlari bilan birga!
10.8.2022 78
“YOSHLAR OVOZI” ARNASOYDA: DALADA CHINIQQAN CHEMPION
“YOSHLAR OVOZI” jamoasi Jizzax viloyati Arnasoy shaharchasi "Bobur" MFY yoshlari bilan birga!
10.8.2022 114
“YOSHLAR OVOZI” ARNASOYDA: YERNI BOQSANG…
“YOSHLAR OVOZI” jamoasi Jizzax viloyati Arnasoy shaharchasi "Bobur" MFY yoshlari bilan birga!
10.8.2022 96
“YOSHLAR OVOZI” ARNASOYDA: QIRLARDAN OSHGAN QADAMLAR
“YOSHLAR OVOZI” jamoasi Jizzax viloyati Arnasoy shaharchasi "Bobur" MFY yoshlari bilan birga!
10.8.2022 134
“YOSHLAR OVOZI” ARNASOYDA: YOSHLARNING BO‘SH VAQTI – YETAKCHINING ISH VAQTI!
Yurtimiz aholisining 60 foizini yoshlar tashkil etadi.
10.8.2022 66
ENDI “PRAVA”GA OLTI OY O‘QITILADI(MI?)
Haydovchilik guvohnomasini olishda yangi tizim yo‘lga qo‘yilganidan xabaringiz bor. “Prava” olish uchun o‘qish muddati uch oydan olti oyga cho‘zilishi haqidagi mish-mishlar ham qulog‘ingizga chalingandir?
10.8.2022 57
SHUHRATING PORLASIN TOKI BOR JAHON!
TERMA JAMOAMIZ TURNIRDA BIROR MARTA HAM MAG‘LUB BO‘LMAGAN YAGONA JAMOA BO‘LDI Shaxmat bo‘yicha O‘zbekiston erkaklar terma jamoasi Hindistonning Chennay shahrida bo‘lib o‘tgan 44-Butunjahon shaxmat olimpiadasi g‘olibi bo‘ldi. Shaxmat bo‘yicha O‘zbekiston terma jamoasi vakili Jahongir Vohidov o‘z doskasida individual natijalar bo‘yicha oltin medal oldi. O‘zbekiston dunyo shaxmat maydonida o‘z so‘zini ayta oldi, yangi tarix yozishga muvaffaq bo‘ldi. Hindistonning Chennay shahrida bo‘lib o‘tgan 44-Butunjahon shaxmat olimpiadasida chempion bo‘ldi. Bu chempionlik shaxmat olimpiadasi tarixidagi O‘zbekistonning eng yuksak muvaffaqiyatidir. 29-iyuldan 9-avgustga qadar davom etgan shaxmat musobaqasida O‘zbekiston shaxmat terma jamoasi muvaffaqqiyatli ishtirok etdi. Butun turnir davomida shaxmat olamining e’tiborini o‘ziga jalb qila olgan yoshlarimiz bugun dunyoda yetakchiga aylandi. 11 turdan iborat shaxmat olimpiadasida O‘zbekiston erkaklar va ayollar terma jamoasi ishtirok etdi. Har bir qahramonimizni alohida e’tirof etish joiz. Zero, ularning har biri o‘z mehnati, kuchi va aqliy salohiyati evaziga shiddatli bahs olib bordi. Yakunda O‘zbekiston erkaklar terma jamoasi turnir davomida birorta ham mag‘lub bo‘lmasdan chempionlik baxtiga sazovor bo‘ldi. Alohida ta’kidlash kerakki, terma jamoamiz turnirda biror marta ham mag‘lub bo‘lmagan yagona jamoa bo‘ldi. Olimpiadada ishtirok etgan har bir jamoa kuchli tayyorgarlikka ega. Lekin bizning yoshlar uchun haqiqiy ma’noda “bosh og‘riq” bo‘lgan jamoalar AQSh, Hindiston, Armaniston vakillari edi. Chunki ular nihoyatda kuchli va tajribali jamoalar edi. Ular bilan o‘yin so‘nggi daqiqalargacha murosasiz kechganiga guvoh bo‘ldik. 44-shaxmat Olimpiadasi FIDE tomonidan tashkil etilgan bo‘lib, unda ochiq va ayollar o‘rtasidagi turnirlar hamda shaxmatni ommalashtirishga qaratilgan bir qancha tadbirlar o‘tkazildi. Jumladan, Chennay shahrida bo‘lib o‘tgan FIDE kongressida O‘zbekiston shaxmat federatsiyasi prezidenti Alisher Sa’dullayev 2026-yilda Toshkentda Butunjahon shaxmat olimpiadasini o‘tkazish yuzasidan taqdimot qildi. Taqdimotlar yakunida 2026-yilda Butunjahon shaxmat Olimpiadasiga mezbonlik qilish uchun ovoz berishda barcha delegatlar bir ovozdan O‘zbekistonni tanladi! Hindistondagi tadbirlar davomida O‘zbekiston delegatsiyasi tantanali qabul marosimini tashkil etdi. Marosimda taniqli oshpaz Bahriddin Chustiy o‘zbek palovini tayyorladi. Oshpazning mahorati sabab milliy o‘zbek taomi barchani hayratda qoldirdi. 2026-YILI BUTUNJAHON SHAXMAT OLIMPIADASI O‘ZBEKISTONDA O‘TKAZILADI! 188 mamlakatdan kelgan 500 dan ortiq Kongress ishtirokchilari o‘zbek taomlarining haqiqiy mazasini tatib ko‘rishga muvaffaq bo‘ldi. O‘zbek palovi haqida iliq fikrlar yangradi. Olimpiadada shaxmat bo‘yicha O‘zbekiston ayollar terma jamoasi ham yosh bo‘lishiga qaramay muhim paytda kerakli g‘alabalarga erishdi. Har bir o‘yinda o‘z irodasini namoyish etib, har bir ochko uchun kurashdi. Xususan, so‘nggi turda ayollar terma jamoasi Kosta-Rika ustidan 2,5:1,5 hisobida g‘alabaga erishdi. Umumiy hisobda, qizlarimiz 14 ochko bilan 162 davlat orasida 31-o‘rinni egalladi. 44-Butunjahon shaxmat olimpiadasida O‘zbekiston terma jamoasi quyidagi tarkibda yurtimiz sharafini himoya qildi. Erkaklar terma jamoasi: GM Abdusattorov Nodirbek, GM Yakubboyev Nodirbek, GM Vohidov Jahongir, GM Sindarov Javoxir, GM Vohidov Shamsiddin. Ayollar terma jamoasi: WGM Yakubboyeva Nilufar, WFM Omonova Umida, WFM Bobomurodova Maftuna, WCM Hamdamova Afruza va Malikova Marjona.
7.8.2022 81
“NORASMIY” TILANCHILAR
Biz fikr yuritmoqchi bo‘lgan odamlar toifasi va ular bilan uchrab turadigan holat sizga begona emas. Aytaylik, metroga tushyapsiz yoki o‘qishdan, ishdan qaytyapsiz. Oldingizdan binoyidek kiyingan kishi (ahamiyatlisi, ular ko‘pincha erkaklar bo‘ladi) sizdan dorigami, taksigami deb pul so‘raydi. Agar siz ilk marta shu holatga duch kelayotgan bo‘lsangiz, biroz ikkilanib bo‘lsada, yoningizni kavlab, so‘raganini berishingiz ham mumkin. Ammo har kuni shu holatga tushayotgan bo‘lsangiz, gapi oxiriga yetishini ham kutmassiz, ehtimo Jamiyatda bu kabi “norasmiy” tilanchilar ko‘payib qoldi. Xo‘sh, bunday oson yo‘l bilan – hamiyat va g‘ururini to‘kib pul topishga odatlanish nimaning natijasida yuzaga kelyapti, qanday omillar bunga sabab bo‘lishi mumkin? Buni “kasb” qilganlar hayotda o‘z o‘rniga ega bo‘lmagan, tuzukroq taʼlim ko‘rmagan va shunga yarasha biror hunarning etagidan ham tutmagan odamlardir. Yoshligidan oson yashashga, kayf-safoga ruju qo‘yganlar ulg‘aygach ham shu yo‘lni afzal ko‘radi. Tarki odat amri mahol, deydi dono xalqimiz.Taxminan bu shunday boshlanadi: avvalboshda yuzi qotguncha tanishlardan qarz so‘raydi. Bejiz kitoblarda ham qarzning yomon ekani, orani, munosabatlarni buzuvchi illatligi bot-bot takrorlanmagan. Rasululloh sollallohu alayhi vasallam bunday deganlar: “Allohga qasamki, agar bir kishi Alloh yo‘lida qatl etilsa, so‘ng (qayta) tiriltirilsa, so‘ng yana qatl etilsa (yaʼni Alloh yo‘lida uch marta o‘lib-tirilsa ham), ustida qarzi bo‘lsa, uni uzmagunicha jannatga kirmaydi” (Imom Nasaiy). HALI U “PROFESSIONAL” TILANCHI EMASYaqinlarining hammasidan qarz olib qaytarmagan, boshqa so‘raydigan tanishi qolmagan kishi endi ko‘chadagi begonalardan najot izlaydi. Hali u “professional” tilanchi emas. Shuning uchun begonalardan ham “...qarzga, albatta, qaytaraman, men tilanchi emasman, doriga pulim yetmay qoldi”, – deya hatto telefon raqamini ham qoldiradi. Bunday pozitsiya bilan odamlarning 50 foizini ishontira oladi. Qarabsizki, topgani “shisha”ga yetyapti. Atrofdagilar ham kiyinishiga, gap-so‘ziga qarab unga ishonadilar. Muttasil ichkilik natijasida aft-angori bir ahvolga kelib qolgan odam endi faqat pul so‘raydi, unga ishonish-ishonmasliklari qiziqtirmaydi, maqsadi bitta – dorixonada sotiladigan “non”! Bunday kasbni o‘ziga ravo ko‘rayotganlar safida ayollar, yosh bolalar, voyaga yetgan yigit-qizlar ham borligi kishini o‘yga toldiradi. Atrofimizda go‘dak fitratiga ham pul isini, tilanchilik illatini yuqtirgan ota-onalar borligi, ko‘payayotgani naqadar achinarli! Siz bu kabi odamlarga ko‘p bora aldanganlardansiz, bundan o‘zingizning xabaringiz ham yo‘q bo‘lishi mumkin.KIMGA ISHONISH KERAK?Eslab ko‘ring, shu kungacha necha marotaba ko‘chada pulsiz qolgan, yordamga muhtoj kishilarga ko‘mak berdingiz. Endi ayting-chi, ulardan hammasi ham rosmana yordamga muhtoj, tilanchi bo‘lmagan kishilar edimi? Afsuski, bilmaysiz. Yoki teskarisi: siz shu choqqacha yo‘lingizdan yordam so‘rab chiqqan necha odamga ishonmay, manzilda davom etgansiz? Ular orasida muhtojlari yo‘q edi, hammasi yolg‘ondan o‘zini chorasiz qiyofaga solib olgan, deb ayta olasizmi?!Maqolamizda ko‘tarmoqchi bo‘lgan asl muammo ham shu – kimga ishonish kerak, haqiqiy muhtoj kim? Jamiyatda tekintomoq kishilar qatlami shu qadar kengayib bormoqdaki, buning natijasida biz himmat qilishimiz lozim bo‘lgan boquvchisiz, mehnatga layoqatsiz, beva bechora va miskinlar ham yuqoridagi toifa soyasida eʼtibordan chetda qolmoqda. Ko‘chada sizdan pul so‘rayotganlarning aksariyati pensiya yoshidagi, oilali odamlar bo‘ladi. Farzandlarning mehrsizligi, oqibatsizligi natijasida ham bunday holatlar ko‘payib ketmoqda. Siz-u bizning unchalik parvoyimizga kelmayotgan, nazarimizni tortmayotgan ushbu illat aslida kichkina muammo emas.Yaqinda Remarkning “Qora haykal” asarini o‘qib chiqdim. Asar urushdan keyingi Germaniya aholisi hayotidan hikoya qiladi. Urush oqibatida mag‘lub nemis davlatida inflyatsiya shu qadar kuchayib ketadiki, bir tushlik qilgulik vaqtda dollar kursi tasavvur qilish mumkin bo‘lmagan darajada o‘zgarib turadi. Ishsizlik va qashshoqlik natijasida ko‘chalar tilanchilar bilan to‘lib ketadi va ular qo‘liga chaqa tushgan zahoti oshxonaga yuguradi, agar pulni uzoqroq ushlab tursa, unga keyinchalik hech vaqo bermaydi. Biz XXI asrda yashayapmiz: ishlagan odam hech bo‘lmaganda birovga muhtoj bo‘lmaydigan, o‘z nonini o‘zi topib yeya oladigan, muhimi, urushlarsiz tinch zamonda rasmiy-norasmiy tilanchilarning bu qadar ko‘pligi va kundan kunga ortib borishi normal holat emas.Aziz tengdoshim, yaqinlaringizga eʼtiborli bo‘ling, mashaqqatli bo‘lsa-da, mehnat qilib non topishga odatlaning. Minnatning noni qattiq bo‘ladi, tishingizni sindiradi. O‘zingizga va o‘z kuchingizga ishoning!
